حملوا باقي الأطعمه وخرجوا للجميع وألتفوا حول سفرة الطعام وسط أجواء مبهجه وسعيده،، إلا من نرمين التي باتت مٌتأكده من عشق ياسين ل مليكه،، فضحتهٌ نظرات عيناه المٌشتاقه لها،،، كان يجلس مٌجاوراً لها وقلوبهم ترقص فرحاً من شدة سعادتهم،،حاولت مليكه جاهده كي لا تٌظهر سعادتها وعشقها أمام الجميع !! نظر لها وتحدث مٌتعمداً٠٠٠٠مليكه،،،ممكن تديني واحدة جمبري ؟؟ إرتبكت لعلمها ما يقصده وأبتلعت لٌعابها وصمتت !! أشارت لها إبتسام وتحدثت بدعابه٠٠٠٠قربي الجمبري لسيادة العقيد يا مليكه،،ولا عاوزاه يقول علينا بٌخله !!
إبتسم ياسين وأجابها بإحترام٠٠٠٠٠ العفو يا أفندم،، حضرتك أصل الجود والكرم وماحدش يقدر يقول غير كده !! أمائت لها مليكه بموافقه وبدأت بوضع الجمبري في صَحن ياسين !! نظر لها بإبتسامه وأقترب من أذنها وهمس بنعومه٠٠٠٠ما أتحرمش !! إرتبكت وهزت رأسها بإبتسامه خجِله سألهٌ رؤوف بشغف وأهتمام٠٠٠٠٠وأيه أخبار شغلك يا سيادة العقيد ؟؟ أماء ياسين برأسهِ وهو يبتلع طعامه بتلذذ وأستمتاع وتحدث بإختصار٠٠٠٠٠كله كويس يا رؤوف،،الحمد لله !! نظر لهٌ حسن وحدثهٌ برجاء٠٠٠٠خلي بالك علي نفسك كويس يا ياسين،،
الناس دي مابتنساش تارها،،وإنت دمرتلهم خليه بقالهم سنين بيدربوا فيهم وبيجهزوهم وصرفوا عليهم كتير،، كانوا خلاص هيحصدوا إللي زرعوه فيهم ،،،كل ده إنت جيت في لحظه ومحيته ،، أرجوك يا أبني حافظ علي نفسك كويس وخلي بالك علي أد ما تقدر،، وياريت ما تثقش في أي حد بسهوله !! أجابهٌ ياسين بإحترام٠٠٠٠ربنا هو الحافظ يا عمي،،متقلقش حضرتك أكيد مخلي بالي !! تحدث إسلام بإعجاب وأحترام٠٠٠٠٠حضرتك بتوصي مين يا بابا،،،ده ياسين باشا المغربي وحش المخابرات،،وبعدين دي أول حاجه بيدربوهم عليها إنهم ما يثقوش في أي مخلوق حتي أقرب الناس ليهم !!
إبتسم ياسين إلي إسلام وتحدث بإختصار٠٠٠٠بالظبط كده يا إسلام ،،برافوا عليك !! وتابع تناول طعامه !! تحدثت ثريا بقلق ٠٠٠٠ربنا يحميك يا حبيبي ويكفيك شرهم !! كانت تنظر لهٌ وقد بدأ الرعب يدٌبَ في أعماق أوصالها ،،شعر بها ونظر إليها وأماء بعينيه ليٌطمئنها !!! نظرت لهٌ يسرا وتحدثت بحب أخوي٠٠٠٠ربنا يحفظك يا ياسين !! نظر لها قائلاً بحنان ٠٠٠٠تسلميلي يا حبيبتي !! نظر لهٌ رؤوف وتحدث مٌستفهماً ٠٠٠٠سيادة العقيد،،،،هو مش المفروض إن جهاز المخابرات ده سري ،،والمفروض كمان إن كل الظباط اللي شغالين جوه الجهاز بيبقوا مش معروفين للعلن ،،،
ولا كمان المفروض تنزل أخبارهم عادي كده في السوشيال ميديا ،،،،صح ولا أنا غلطان ؟؟ أجابهٌ ياسين بمهنيه ٠٠٠٠هو المفروض إنه كده فعلاً يا رؤوف،،لكن حالياً قواعد الحرب الباردة في عالم المخابرات إتغيرت في كل شيئ،، وأردف بعمليه٠٠٠٠٠هشرحلك،،، هو فعلاً رجال المخابرات المفروض ما يتعرفوش لسببين مهمين،، أولاً علشان سلامتهم وأمانهم ،،، وثانياً بقا وده الأهم لضمان نجاح المهام إللي بيٌكلفوا بيها ،،، لكن اللي بيحصل دالوقتي إن السوشيال ميديا بقت سلاح أخطر علينا من السلاح البيولوجي نفسه، ،،
وأكملَ بمهنيه٠٠٠٠بمعني،، مخابرات الدول المٌعاديه بتسرب أسماء رجال المخابرات علشان يتعرفوا وأصطيادهم من الجماعات الإرهابيه يبقي أسهل ،، واللي حصل في المهمه بتاعتي مٌؤخراً وبعد ما تتبعنا خيط تسريب الخبر أتضحلنا إن فيه ظابط معانا للأسف قدروا يشتروا ضميرة وباع نفسه ليهم،، وهو إللي سرب لهم الخبر علشان لاقدر الله لو حصل إغتيال لأي شخص فينا يبقي هو في الأمان ومايتعرفش ،،، وأكملَ بفخر٠٠٠٠٠٠لكن طلع غبي وإحنا سبقناه بخطوه كاعادة المخابرات المصريه دايماً !!!
وأكمل بمهنيه٠٠٠٠لكن بالنسبه للعمليات السريه إللي تخص أمن الدولة ،،أحب أقولك وأطمنك إن فيه قسم في الجهاز مٌتخصص في العمليات دي،، وده بيتكون من وجوه سريه وغير معروفه للعلن،، لدرجه إن أهاليهم نفسهم ما بيبقوش عارفين هما شغالين في أي جهاز أو تبع أي تخصص ،،كل اللي يعرفوه عنهم إنهم تبع القوات المسلحه وبس !! ودول بنختارهم بعنايه فائقه وبيمروا بإختبارات صعبه وعديده علشان نتأكد من ولائهم وإخلاصهم للبلد !!!!
تحدث حسن بفخر ٠٠٠٠٠طبعاً يا ياسين جهاز المخابرات المصري فخر لأي مصري حر ،،،لكن لازم تخلي بالك علي نفسك كويس أوي يا أبني ،،وربنا هو الحارس !! تحدث ياسين ببشاشة وجه ٠٠٠٠العمر واحد والرب واحد يا عمي،،ما حدش بياخد أكتر من إللي ربنا كتبهوله !!! ردت ثريا٠٠٠٠وربنا إن شاء الله كاتبلك السلامه يا أبني !! نظر لها بحنان وأجابها ٠٠٠٠٠تسلميلي يا أمي !! أحال ببصره عليها وجد ملامحها مٌتشنجه،، حزينه ومرتعبه،،نظر إلي طعامها وجدهٌ كما هو ولم يٌمس !!
أمال علي أذنها وتحدث بصوتٍ مٌنخفض٠٠٠٠كملي أكلك يا مليكه !! بادلتهٌ النظر وهزت رأسها بإيماء مع إبتسامه باهته !! كان هٌناك من يراقبهم بعيناه والغل يتأكل قلبها،، إنها نرمين لا غير،،،، ثم تحدثت إلي ياسين بإستفسار٠٠٠٠٠هترجع إسكندريه أمتي يا ياسين ؟؟ أجابها وهو يتناول كأس الماء ويرتشف منه ٠٠٠٠عندي شغل هنا لمدة تلات أيام ،،هسافر بعدها علطول إن شاء الله !!! نظرت لهٌ إبتسام قائله بإهتمام٠٠٠٠البيت هينور يا سيادة العقيد !!
