الفصل الثامن عشر من رواية قلوب حائرة للكاتبة روز امين

تأفأف عز بملل ثم أخرج هاتفهٌ مٌتحدثاً بنبرة ساخره٠٠٠٠حاضر يا ستي ،،،هتصل بيه وأعنفه وأقوله إنتَ إزاي تنام ف أوضة مراتك يا محترم !! ضغط علي الهاتف وجد هاتف ياسين مٌغلقاً نظر لها وأجاب ببرود٠٠٠٠٠تليفونه مقفول،،،أكيد عنده شغل بكره بدري وقفله علشان ينام براحته،،ياريت إنتي كمان تهدي وتطلعي تنامي !! هدأها عز هو ومنال وبعد مده صعدت غرفتها وقلبها مازال مٌشتعلاً من الغيره !!! ◇◇◇◇¤◇◇◇◇ في جناح طارق وجيجي !!!

كان يجلسان في جو شاعري مليئ بالدفئ والمشاعر الحانيه إستمعا للضجيج الدائر بالمنزل تحدثت جيجي٠٠٠٠ده صوت ليالي وعمو عز،،،ياتري فيه أيه ؟؟ تأفأف طارق وتنهد ٠٠٠٠٠هيكون فيه أيه يعني،،أكيد ياسين عمل معاها مٌصيبه جديده !!! تحدثت جيجي بتأثر٠٠٠٠٠والله ساعات ليالي بتصعب عليا أوي،،مع إنها متكبره ومغروره،،لكن حقيقي ماتستاهلش إللي ياسين بيعمله فيها ده كله،،،   ياسين قاسي أوي عليها يا طارق !! رمقها طارق بنظرة ساخره مٌضيقاً عيناه٠٠٠٠٠٠ مالك كده محسساني إن ليالي دي ملاك بجناحين،،،

ليالي دي جباره،،بنت خالي وأنا أدري بيها من زمان،،،دي لو لقيت حبة تراخي من ياسين كانت خربت الدنيا وركبت فوق دماغ الكل من زمان،، لكن ياسين علشان ذكي وفاهمها كويس عارف مفاتيحها فين،،وممشيها ،،، وأكملَ ساخراً٠٠٠٠٠وبعدين ما الهانم مقضياها نوادي وخروجات مع صحباتها وعايشه حياتها بالطول والعرض وأخر إهتماماتها هو ياسين ومشاعره وقلبه،،زعلانه ليه بقا !! ضحكت جيجي وتحدثت٠٠٠٠٠وهو أخوك سايبها بحريتها بجد؟؟ ده حاطتها تحت المراقبه 24 ساعه ،،أي مشوار بتخرجه عربية المراقبه بتكون محاوطاها هي والولاد !!!

طارق وهو يقف ويرتدي الروب فوق منامته ٠٠٠٠وهو بيعمل كده ليه،،،مش علشان أمانها هي وولادها،،إنتي ناسيه إنه شغال في مكان حساس والعين دايماً عليه ؟؟ نظرت له جيجي بإستغراب وتحدثت ٠٠٠٠إنت بتلبس الروب ورايح فين ؟؟ أجابها طارق وهو يضع قبله فوق وجنتها ٠٠٠٠رايح أشوف الحرب إللي دايره تحت دي دايره علي أيه !!! ◇◇◇◇¤◇◇◇◇   بعد صعود ليالي إقتربت منال من عز مٌتسائله بترقب ٠٠٠٠٠عز،،أرجوك جاوبني بصراحه،، إنتَ كٌنت تعرف إن ياسين مسافر أسوان ؟؟

إنفعل عز وأجابها بحده٠٠٠٠٠ياستي قولتلك معرفش،،،معرفش،،،معرفش،،أقولهالك بأي لٌغه علشان تفهميها ؟؟ فركت منال يديها بعصبيه وهي تدور بالغرفه ٠٠٠٠أنا قلبي مش مطمن ،،حاسه إن فيه حاجه بتحصل بجد،،، ثم إلتفتت إليه وتحدثت بنبره غاضبه ٠٠٠٠٠البيه إبنك شكل الموضوع عجبه والهانم حليت في عنيه وحابب يخلي الجواز فعلي،،،ماشي يا ياسين،،،أنا بقا إللي هقفلك ماهو مش بنت أخويا إللي يتعمل معاها كده !!! نظر لها عز وتحدث ساخراً٠٠٠٠وإنتي بقا اللي هاتمنعيه يا منال؟؟

وأكمل ٠٠٠٠٠ولو فرضنا إن إبنك حابب يعمل كده فعلاً ويتعامل مع مراته كزوجين طبيعيين،،أيه مشكلتك في كده أنا مش فاهم،،، وبعدين إبنك لو حابب يعمل كده فعلاً مافيش مخلوق علي وجه الأرض هايقدر يمنعه،،،ولا أنتي تايهه عن ياسين يا منال !!! نظرت له بغل وأكملت٠٠٠٠٠أنا ساعتها إللي هقفله يا عز وهتشوف،،،ولا يمكن هاسمح لتخطيط ثريا ينجح ويدمر بيت إبني،،،   ثم نظرت لهٌ بكره وأكملت بتهديد٠٠٠٠٠لا يمكن أسمحلها تنفذ إللي أنا منعته من 25 سنه ،،علي جٌثتي يا عز،،علي جٌثتي !!!

وقف عز بغضب وتحدث٠٠٠٠٠إنتي عمرك ما هتنسي أبداً كفايه بقا يا منال،،،سنين طويله وإنتي معيشانا في هم ونكد بسبب الموضوع ده،،،،موضوع وأتفتح وقفلناه بعدها برفض ثريا نفسها،،،ليه مش عاوزه تقفليه إنتي كمان وترتاحي وتريحيني،،، ليه؟؟ أجابتهٌ بغل٠٠٠٠رفضت لما أنا إللي وقفتلها ودافعت عن بيتي وولادي بكل قوتي،،وهي عملت فيها الزوجه العفيفه إللي باقيه علي ذكري جوزها إللي بتحبه،،، وأكملت بغل٠٠٠٠٠طول عمرها بتاعت مظاهر وتحب تبان قدام العيله في صورة الست العاقله الكامله

لكن أنا عمري ما هصفالها،،، ثم أشارت له بسبابتها وتحدثت بنبرة صاخبه٠٠٠٠ولا هصفالك وأنسالك إنك فضلتها عليا وكنت عاوز تتجوزها !!! هٌنا دلف طارق عليهم بعد الإستئذان وتحدث٠٠٠٠٠فيه أيه يا بابا،،،أيه حالة الهرج والمرج اللي في الفيلا دي،، ومالها ليالي صوتها كان عالي كده ليه من شويه ؟؟ نظرت سريعاً إلي طارق وسألته بإستفسار٠٠٠٠٠إنتَ كٌنت عارف إن ياسين مسافر أسوان عند مليكه ؟؟ إزبهلَ طارق مما إستمعه ورد مٌستغرباً ٠٠٠٠٠أيه،،،،هو ياسين في أسوان ؟؟

حولت بصرها سريعاً إلي زوجها وتحدثت بغضب٠٠٠٠٠إتفضل،،،أدي طارق هو كمان مايعرفش،،،أنا كده بقا إتأكدت إن فيه حاجه بتحصل من ورا ضهري فعلاً !!!   حدثها طارق مٌهدئاً إياها ٠٠٠٠٠إهدي يا ماما ،،،أكيد رايح لشغل زي ما قال !! أجابته منال بإنفعال٠٠٠٠٠طول عمره بيقولك إنت بالذات علي أماكن سفره علشان لا قدر الله لو حصل حاجه يبقي عندك خبر هو فين،،،أيه إللي حصل المرادي خلاه ما قالكش يا طارق ؟؟ تحدثَ طارق بتعقل ٠٠٠٠أكيد عنده أعذارة يا ماما ،،إهدي حضرتك ولما يرجع هنفهم منه أصل الموضوع !!!

تحدث عز ساخراً ٠٠٠٠ إنتَ إتجننت يا طارق،،إزاي بتطلب منها تهدي وهو الموضوع متعلق بكرامة وشكل الكونتيسا ليالي قدام الناس !! رمقته بنظرة غضب وخرجت دون كلام وصفقت الباب خلفها بغضب !!!!! أما طارق نظر لأبيه وتحدث٠٠٠٠هو ياسين فعلاً في أسوان يا بابا ؟؟ تحرك عز وجلس فوق الأريكه وتحدث٠٠٠٠تليفونه مقفول معرفتش أوصله،، بس ليالي مش هتعمل كل الهيصه دي من غير متكون مٌتأكده !!! تحدث طارق بإستفهام٠٠٠٠وليالي عرفت منين ؟؟

نظر له عز وأبتسم بسخريه تحدث طارق بتأكيد لما وصلهٌ من نظرة أباه٠٠٠٠نرمين،،، أنا مش عارف البنت دي أيه إللي حصلها،،مكنتش كده الأول ،،نرمين مكنش فيه أحن وأرق منها !! نظر عز للأسفل وظهر علي وجههٍ علامات الأسي وتحدث٠٠٠الغيره والحقد بيغيروا البني أدم يا طارق !!   نظر له طارق بعدم إستيعاب قائلاً ٠٠٠٠غيرة،، من مين ،،وليه ؟؟ أجابهٌ أباهْ بأسي٠٠٠٠من مين،، من مليكه،،وده بيبان أوي في نظرة عنيها وهي بتبصلها وف تشنجات وشها لما نبقي قاعدين وفجأه مليكه تدخل !

أما بقي ليه ،،فاربنا وحده أعلي وأعلم بأسبابها !!! تحدث طارق ٠٠٠ربنا يهديها ويرجعها لعقلها،، وأكملَ بنبرة جاده٠٠٠٠٠لكن مقولتليش ياباشا،،،هنعمل أيه مع ياسين، دي كده الدنيا هتولع حواليه من ماما وليالي ؟؟ نظر له عز وتحدث بإبتسامة سمجه٠٠٠٠٠هنعمله أيه يعني ،، هو مش الباشا عاملي فيها روميو وحبيب وداير يخطط ويظبط مع نفسه،، يشرب بقا ويقابل !! ثم نظر لبعضهما وبدون مقدمات أطلقا الضحكات الساخرة سوياً !!! ◇◇◇◇◇◇¤◇◇◇◇◇◇ داخل غرفة نرمين !!!

كانت مٌتسطحه فوق فراشها تنظر لسقف الغرفه بإستمتاع وتشفي بعدما بخت بسمها من جديد في حياة مليكه،، إستمعت لطرقات فوق الباب !! إعتدلت بفراشها وتحدثت ٠٠٠٠إدخل !!! فٌتحَ الباب ودلفت منه يسرا ويبدو علي وجهها الإنزعاج نظرت لها نرمين بإستغراب قائله٠٠٠٠يسرا،، خير فيه حاجه؟؟ إقتربت منها يسرا وجلست بطرف الفراش وتحدثت بتساؤل٠٠٠٠عاوزه أيه تاني من مليكه يا نرمين ؟؟   إبتسمت نرمين وتحدثت بنبرة ساخره ٠٠٠وأنا هعوز منها أيه دي كمان،،

وأكملت بغل ٠٠٠٠ يابنتي مليكه دي أقل من إني أشغل دماغي بيها دقيقه واحدة !! تحدثت يسرا ٠٠٠٠٠ولما هو كده فعلاً ،،تقدري تقوليلي أيه نظرات الحقد اللي كانت ماليه عنيكي وإنتي بتبصي عليها وإحنا علي العشا إنهاردة ،، ونظرت لها نظرة ذات مغذي وأكملت٠٠٠٠لسه عاوزه منها ايه تاني يا نرمين،،مش كفايه اللي وصلتيها ليه هي وولادها بغيرتك وحقدك عليها،،ولا نسيتي،،ولو كنتي نسيتي أنا أفكرك بجريمتك إللي عملتيها ؟؟ إنتفصت نرمين بغضب وتحدثت ٠٠٠٠٠إنتي عاوزه مني أيه بالظبط يا يسرا ؟؟

أجابتها يسرا بنبرة تهديد٠٠٠٠عاوزاكي تبعدي نهائي عن مليكه وولادها وأياكي تفكري ولو مجرد تفكير بإنك تأذيها بأي شكل من الأشكال،، ساعتها ورحمة بابا لأروح لياسين وطارق وأحكيلهم علي كل إللي حصل وأسيبك منك ليهم !!! وأكملت بنبرة تهديد٠٠٠٠وأوعي غبائك يصورلك إني علشان ساعدتك في موضوع الفيديو ومنعت ياسين إنه يشوفه إني موافقه علي إللي عملتيه أو نسيته،، بالعكس، ، وأكملت بإشمئزاز ٠٠٠ده أنا كل يوم بكرة نفسي وبلومها ألف مرة علي إني ساعدتك ووقفت معاكي ،،بس للأسف مكنش قدامي حل تاني وده بسبب خوفي علي المسكينه أمي،،

  ولولا كده عمري ما كٌنت هقف جنبك وأشاركك ذنبك !!! ثم رمقتها بنظرة تهديد وأكملت ٠٠٠ياريت تفكري في كلامي ده كويس أوي، علشان ده مش كلام وخلاص !!! ثم رمقتها بغضب وخرجت كالإعصار !!! إمتعض وجه نرمين وأمسكت بفرش…