الفصل الثامن عشر من رواية قلوب حائرة للكاتبة روز امين

  ♡♡ ◇◇◇◇◇¤◇◇◇◇◇ ♡♡ في نفس التوقيت !!! كانت تتحرك في الغرفه بغضب وضيق ،،أمسكت هاتفها وقررت تهاتف ليالي لتٌفسد ليلة مليكه التي تأكدت من أنها ستكون ليله مميزه لها،،لما لاحظته من عشق ياسين الظاهر بعيناه ولهفتهٌ عليها ،،، ضغطت علي زر الإتصال أتاها صوت ليالي تحدثت نرمين بلؤم٠٠٠٠لي لي حبيبتي ،،وحشتيني !! أجابتها ليالي بود٠٠٠٠وإنتي كمان يا نيرو وحشاني كتير،،،أخباركم أيه ،،طبعاً مبسوطين في أسوان !!! أجابتها نرمين ٠٠٠٠٠جداااااااً مش قادره أقولك مبسوطين أد أيه

الجو هنا تحفه يا لي لي،،،بجد الرحله دي كانت نقصاكي !!! أجابتها ليالي٠٠٠٠مره تانيه إن شاء الله !! إسترسلت نيرمين حديثٌها بخبث٠٠٠٠خالوا حاجزلنا بكره اليوم كله هنقضيه في باخره في وسط النيل،،بجد ياريتك جيتي مع ياسين !!! إرتبكت ليالي وسألتها بإستفسار ٠٠٠٠٠ياسين؟؟وهو ياسين أيه اللي هيجيبه عندكم ؟؟ أجابتها نرمين بلؤم٠٠٠٠أيه ده هو أنتي متعرفيش إن ياسين هنا في أسوان؟؟ ده هنا من الساعه 1 الظهر وأتغدا كمان معانا،، وأكملت بحديث ذات مغذي ٠٠٠٠ده حتي طلع ينام مع مليكه في أوضتها ،،ومليكه نزلت مروان ينام مع ماما علشان يكونوا براحتهم !!!

  غلي قلبها وأشتعلت النيران بداخله وهتفت بحده٠٠٠٠٠إقفلي دالوقتي يا نرمين لما أتصل بالبيه أشوفه بيهبب أيه هناك !!! تحدثت نرمين بلؤم٠٠٠٠لي لي،،،من فضلك ماتقوليش لياسين إني قولتلك حاجه،،أنا ماقصدتش أبدآ إني أعمل مٌشكله بينكم !! أجابتها ليالي علي عجل ٠٠٠٠٠مفهوم،،مفهوم يا نرمين،،،يلا سلام !! أغلقت الهاتف وطلبت رقم زوجها في الحال وأنتظرت ليأتيها الرد ♡♡♡ كان غارقاً في بحر عسلها ذو النكهةِ المٌميزه الذي طالما تمناه وبشده،،يغوصان معاً بعالمهم الخاص ذو الطابع الساحر الهائم الذي لم يشهد لمذاقهِ مثيلاً من ذي قبل ♡

رن هاتفه مد يدهٌ بإهمال وأمسك الهاتف وأغلقه تماماً دون النظر به وعاد لمعشوقة عيناه ليستكملا ما كان عليه !!! ♡♡♡♡ نظرت بشاشة هاتفها بجنون وعدم تصديق،،،عاودت الإتصال مرةً أٌخري ،،،إذداد جنونها حين وجدت الهاتف مٌغلق ،،،جَرت مٌسرعه للأسفل،،، وجدت عمتها جالسه في بهو المنزل،، سألتها بلهفه عن عز أخبرتها منال أنه داخل المكتب ،،، جرت بإتجاه المكتب بحاله هيستيريه،، دفعت الباب بجنون دون إستئذان،،، وتهرول خلفها منال بفزع  

وقف عز مٌستغرباً من هيئتها وتحدث بهلع٠٠٠٠٠فيه أيه،،حد من الولاد جراله حاجه ؟؟ أجابتهٌ بهيستريا٠٠٠الولاد بخير يا عمو،،لكن الظاهر إن البيه المحترم إبن حضرتك هو اللي جراله حاجه في مخه !! ضيق عيناه بدون فهم وتحدث بضيق٠٠٠٠بيتهيألي لازم تتكلمي بإسلوب أحسن من كده وإنتي بتتكلمي علي جوزك أبو ولادك،،مش كده ولا أيه يا مدام !! تحدثت منال بإستفهام مٌتجاهله تعنيف عز الموجه إلي ليالي٠٠٠٠٠ ما تفهمينا يا ليالي فيه أيه بالظبط ،،رعبتيني !!

صاحت بغضب وهدرت وهي تنظر لها ٠٠٠٠عمو عز هو إللي هيفهمنا يا عمتو ،، ثم نظرت إلي عز وأكملت٠٠٠٠٠مٌمكن حضرتك تقولي ياسين بيه فين حالياً ؟؟ تحدث عز بجديه٠٠٠٠٠ما أنتي عارفه،،ماهو قايل قدامك إمبارح إن عنده مأمورية شغل بره إسكندريه وهيقعد فيها تلات أيام !! أجابتهٌ والغضب يسيطر كٌلياً علي ملامحها ٠٠٠٠٠أه ،،ده الكلام إللي إستغفلني بيه قدام حضرتك،،لكن الحقيقه إن سيادة العقيد المحترم موجود حالياً في أسوان،،وبالتحديد في أوضة الهانم،،

ولما رنيت عليه من شويه علشان أسأله بيعمل أيه هناك ،،،فصل عليا الفون وقفله في وشي !!! شهقت منال ووضعت يدها علي فمها وتسائلت٠٠٠٠٠إنتي متأكده يا ليالي إنه في أسوان ؟؟   أجابتها ليالي بحده٠٠٠٠متأكده زي ما أنا متأكده إني واقفه معاكم حالاً !!! جلس عز علي الأريكه ووضع ساق فوق الآخري وأشعل السيجار ثم تحدث ببرود٠٠٠٠وحتي لو في أسوان زي ما بتقولي،، أيه المشكله مش فاهم ؟؟ واحد وعنده مأموريه في أسوان ،،وراح يبات في بيت عمه،،وبالتالي من البديهي جداً إنه يبات في أوضة مراته ،،وده حفاظاً علي شكلهم قدام الناس،،،

وأكمل ساخراً ٠٠٠٠ولا عاوزاه يقولهم معلش هاتولي أوضه لوحدي،،أصل أنا والمدام متجوزين جواز صوري ؟؟ ثم نظر لها وهو مٌضيقاً عيناه بتساؤل ٠٠٠٠وبعدين أنا مش فاهم إنتي عامله الثوره دي كلها علي أيه ؟؟ ماهو بيبات معاها في أوضتها هنا برضو ،،،فرقت في أيه يا ليالي هانم هنا من هناك ؟؟ أجابتهٌ بدموع لم تستطيع التحكم بها٠٠٠٠٠لا يا عمو تفرق كتير أوي،،، هنا بيبات معاها مٌرغم وكلنا عارفين ظروف وجوده معاها في أوضه واحده أيه ،،،لكن لما يروحلها أسوان مخصوص ويخبي علينا كلنا يبقي ده بيأكدلي إن فيه حاجه بتحصل من ورا ضهري !!!

تحدث عز بتعقل وجديه٠٠٠٠٠وهو من أمتي ياسين بيقولنا علي المكان إللي بيسافر فيه لمأمورياته،،، وأكمل بحكمه٠٠٠٠٠جوزك يا مدام شغال في جهاز حساس وسري،،،أنا نفسي يلي أبوه ومعاه في نفس الجهاز ممنوع يعرفني مكان مأمورياته،،،   يبقي أيه الغريب المرادي،،وخبي عليكي من أي ناحيه أنا مش فاهم !!! تحدثت منال وهي تأخذها داخل أحضانها٠٠٠٠٠إهدي يا حبيبتي، ،،كلام عمو عز منطقي جداً !!! نظرت له ليالي وتحدثت بتوسل وهي تجفف دموعها٠٠٠٠٠طب من فضلك يا عمو إتصل عليه وأسأله علشان قلبي يطمن !!